فيه حاجة ناقصة

افكارى كتير متلخبطة .. عندى احساس انى عاوزة اعمل الف حاجة فى دقيقة واحدة لكن مش عارفة ابدأ منين
ولا حتى عارفة الحاجة اللى ممكن ابدأ من عندها دى تبقى ايه

ناجحة صحيح لكن مش فرحانة وحاسة ان فيه حاجة ناقصة .. جحود ده ولا ايه؟
النت معاندنى ومش عارفة ادخل عليه بانتظام ومش عارفة اطمن على اصحابى ومش عارفة اطل على العالم التانى بتاعى .. ولا اتابع الناس اللى بحب افكارهم حتى لو مختلفة معاهم فيها

بحاول من ساعة ونص افتح ايميلى او حتى الماسنجر وبرضه لا حياة لمن تنادى

تذكرة المترو بقت بجنيه .. بس يا رب تستقر على كده

الاخبار فى التليفزيون غلسة ومش عايزة اتابعها ومش ليا نفس للقراية .. اروح اموت احسن ؟




التدوينة دى مش ليها اى لازمة بصراحة .. بس برضه هانشرها